சோனி பிக்சர்ஸ் என்டர்டெயின்மென்ட் இந்தியா வெளியிடும்

ஸ்பைடர்-வெர்ஸ் என்பது மாற்று பிரபஞ்சங்களில் உள்ள ஸ்பைடர்-மேன்களால் பகிரப்படும் பல அண்டங்களாகும். இதுவே, கதை நிகழும் களமாகும். இப்படம், 2018 இல் வந்த ‘ஸ்பைடேர்-மேன்: இன்டூ தி ஸ்பைடர்-வெர்ஸ்’ எனும் படத்தின் தொடர்ச்சியாகும். மார்வெல் காமிக்ஸின் சூப்பர் ஹீரோவான ஸ்பைடர்-மேனைக் கணினி அனிமேஷனில் உருவாக்கியுள்ளனர். கணினியால் உருவாக்கப்பட்ட பிம்பங்களை (CGI) ஸ்டாப்-மோஷன் அனிமேஷனாக எடுக்கப்பட்ட முதல் ஸ்பைடர்-மேன் தொடர் இதுவே! இப்படம், மூன்று பாகங்கள் கொண்ட அத்தொடரின் 2 ஆவது படமாக வெளியாகியுள்ளது.

பக்கத்து வீட்டுப் பையன் போலிருக்கும், ப்ரூக்ளினின் முழு நேர ஸ்பைடர்-மேனான மைல்ஸ் மொரால்ஸ், க்வென் ஸ்டேசியுடன் மீண்டும் இணைந்த பின், மல்டிவெர்ஸில் சிக்கி, பல அண்டங்களில் இருந்து ஒன்றிணைந்த ஸ்பைடர் சொசைட்டியை எதிர்கொள்ள நேரிடுகிறது. அந்த சொசைட்டியில் உள்ள ஸ்பைடர்-மக்கள், பிரபஞ்சங்களின் பாதுகாப்பை உறுதி செய்யும் பணியில் ஈடுபட்டுள்ளனர். ஆனால், புதிதாய் முளைக்கும் அச்சுறுத்தலை எப்படிக் கையாள்வதென, ஸ்பைடர்-மக்கள் தங்களுக்குள் சண்டையிட்டுக் கொள்கின்றனர். மைல்ஸ் மொரால்ஸ், ஸ்பைடர்-மேனாக இருப்பது என்றால் என்ன என்று உறுதியாகத் தீர்மானிப்பதோடு, உலகையும், தன் குடும்பத்தையும், இரண்டையும் காப்பாற்ற முடியும் என நம்பிக்கை கொள்கிறார். ஸ்பைடர் முகமூடியை யார் வேண்டுமானாலும் அணியலாம், ஆனால் ஒருவரது செயற்பாடுகளே அவரை நாயகன் ஆக்குகிறது.

தொழில்நுட்பக் குழு:-

இயக்கம் – Joaquim Dos Santos, Kemp Powers and Justin K. Thompson

திரைக்கதை – Phil Lord & Christopher Miller & David Callaham, based on Marvel Comics.

பின்னணிக் குரல்- Shameik Moore (voice of Spider-Man), Hailee Steinfeld (Gwen Stacey), Brian Tyree Henry, Luna Lauren Velez, Jake Johnson, Jason Schwartzman, Issa Rae, Karan Soni, with Daniel Kaluuya and Oscar Isaac.

VFX – Michael Lasker ; Character Animation -Alan Hawkins

கலை இயக்கம் – Dean Gordon

*_ஜூன் 1, 2023 அன்று 10 மொழிகளில் வெளியிடுகிறது “சோனி பிக்சர்ஸ்”._*